Ársskýrslur ráðherra fyrir árið 2021 birtar

Ársskýrslur ráðherra fyrir árið 2021 hafa verið birtar. Skýrslurnar koma nú út í fimmta sinn en markmiðið með útgáfu þeirra er að auka gagnsæi um ráðstöfun og nýtingu fjármuna. Þá er þeim ætlað að vera grundvöllur fyrir umræðu um stefnumörkun og forgangsröðun hins opinbera.

Skýrslurnar byggja á skipulagi Stjórnarráðsins eins og það er eftir breytingarnar sem tóku gildi 1. febrúar sl. Þannig fjalla ráðherrar um þau málefni sem heyra undir sín ráðuneyti nú en umfangsmiklar breytingar voru gerðar á skiptingu stjórnarmálefna milli ráðuneyta eftir myndun ríkisstjórnarinnar í lok nóvember á síðasta ári.