Leið að betri líðan – ný handbók fyrir fólk eftir sjálfsvígstilraun

Imported from official source

Announcement

Safety Classified by Officially

Lífsbrú – miðstöð sjálfsvígsforvarna hjá embætti landlæknis hefur gefið út nýja handbók sem ætluð er til stuðnings eftir sjálfsvígstilraun. Handbókin getur verið hjálpleg fyrir þann sem gerir tilraunina en einnig fyrir fagfólk og ástvini.

Tíminn eftir sjálfsvígstilraun getur verið þungur og einkennst af óvissu, sterkum tilfinningum og mörgum spurningum um hvað taki við. Handbókin er hugsuð sem leiðarvísir og stuðningur í næstu skrefum, þar sem hver og einn getur valið það sem hentar og farið á sínum hraða.

Í handbókinni er meðal annars fjallað um mikilvægi þess að leita sér hjálpar strax, fyrstu dagana eftir sjálfsvígstilraun, stuðning frá fólkinu í kring og frá fagfólki, endurkomu til vinnu eða náms, hvað hægt er að gera ef sjálfsvígshugsanir vakna á ný, öryggisáætlun, sjálfsumönnun og framtíðina. Einnig er að finna yfirlit yfir stuðningsúrræði, jafningjastuðning, bráðaaðstoð og hjálparsíma.

Meginboðskapur handbókarinnar er að bati taki tíma og gerist oft í litlum skrefum. Með réttum stuðningi er smám saman hægt að ná fótfestu og styrk. Handbókin leggur jafnframt áherslu á að fólk þurfi ekki að ganga í gegnum erfiða tíma án stuðnings.

Þverfaglegur hópur vann að gerð handbókarinnar í víðtæku samstarfi við hagaðila. Hún er gefin út af Lífsbrú – miðstöð sjálfsvígsforvarna hjá embætti landlæknis.

Handbókin er aðgengileg á vef embættis landlæknis, undir „Handbækur og ráðleggingar“ og verður jafnframt fáanleg í prentuðu formi hjá embættinu, líkt og aðrar handbækur og fræðsluefni frá Lífsbrú. Upplýsingar á [email protected].

Frekari upplýsingar
Eva Skarpaas, verkefnastjóri sjálfsvígsforvarna

This is an extract. The publication continues at the source.

Source: Embætti landlæknis (Directorate of Health).

Read the original at the source: https://island.is/s/landlaeknir/frett/leid-ad-betri-lidan-ny-handbok-fyrir-folk-eftir-sjalfsvigstilraun

Officially imported this from Embætti landlæknis (Directorate of Health)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Embætti landlæknis (Directorate of Health) — imported from official source
Official source
https://island.is/rss.xml?organization=landlaeknir RSS
Imported
October 03, 2026 20:38
Versions
1 recorded
Identity
https://island.is/s/landlaeknir/frett/leid-ad-betri-lidan-ny-handbok-fyrir-folk-eftir-s...

Officially records where a publication came from, not whether it is true. Imported records are reproduced from an organization's own official source.