Ísland tók þátt í tíunda rýnifundi Convention on Nuclear Safety

Imported from official source

Announcement

Safety Classified by Officially

Sendinefnd frá Íslandi, skipuð fulltrúum Geislavarna ríkisins, tók þátt í tíunda rýnifundi CNS (Convention on Nuclear Safety) sem haldinn var í Vínarborg dagana 13.–17. apríl 2026.

CNS er alþjóðasáttmáli um kjarnöryggi. Alþjóða kjarnorkumálastofnunin (IAEA) annast framkvæmd og umsýslu rýniferlis samningsins. Samningurinn tók gildi 24. október 1996 en Ísland varð fullgildur aðili að honum haustið 2008. Geislavarnir ríkisins hafa það hlutverk að sýna fram á Ísland uppfylli skuldbindingar samnings í umboði Utanríkisráðuneytisins.

Geislavarnir ríkisins vinna og skila inn skýrslu Íslands vegna CNS á þriggja ára fresti. Skýrslur aðildarríkja eru rýndar í svokölluðum landshópi. Það er nokkra mánaða ferli sem lýkur með rýnifundi þar sem lands­skýrslur aðildarríkjanna, sem þegar hefur verið skilað til IAEA eru kynntar og ræddar. Á rýnifundum funda landshópar og hvert ríki kynnir landsskýrslu og fær endurgjöf í formi spurninga og athugasemda. Að lokum þarf landshópurinn að ná samstöðu um þær áskoranir sem hvert ríki stendur frammi fyrir á sviði geislavarna og kjarnorkuöryggis, sem og um það hvort ríkið hafi skarað fram úr á tilteknum sviðum.

Í landshópi Íslands voru Slóvenía, Pólland, Svartfjallaland, Nígería, Rúmenía, Úkraína, Norður‑Makedónía, Simbabve, Ítalía, Armenía, Kanada og Litháen.

Ísland kynnti landsskýrslu sína fimmtudaginn 16. apríl. Í kjölfar kynningar var fundargestum boðið upp á spyrja nánar út í skýrslu Ísland og kynningu. Spurningar og umræður beindust meðal annars að getu íslenskra stjórnvalda til að standa við skuldbindingar sínar í ljósi smæðar stofnunarinnar (11 starfsmenn) og takmarkaðra auðlinda. Einnig var spurt um stöðu Geislavarna og þá óvissu sem upp er komin vegna ákvörðunar íslenskra stjórnavald um að fækka stofnunum með færri en 50 starfsmenn. IAEA gerir kröfu um að öll aðilddarríki samningsins hafi starfandi sjálfstæða eftirlitsstofunun til að tryggja alþjóðlegar skuldbindingar.

This is an extract. The publication continues at the source.

Source: Geislavarnir ríkisins (Icelandic Radiation Safety Authority).

Read the original at the source: https://island.is/s/geislavarnir-rikisins/frett/island-tok-thatt-i-tiunda-rynifundi-convention-on-nuclear-safety

Officially imported this from Geislavarnir ríkisins (Icelandic Radiation Safety Authority)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Geislavarnir ríkisins (Icelandic Radiation Safety Authority) — imported from official source
Official source
https://island.is/rss.xml?organization=geislavarnir-rikisins RSS
Imported
October 03, 2026 20:38
Versions
1 recorded
Identity
https://island.is/s/geislavarnir-rikisins/frett/island-tok-thatt-i-tiunda-rynifundi-con...

Officially records where a publication came from, not whether it is true. Imported records are reproduced from an organization's own official source.