Norræn rannsókn: Sex af hverjum tíu ungmennum drekka orkudrykki í hverri viku
Safety Classified by Officially
Tæplega fjórðungur ungmenna á Norðurlöndum neytir orkudrykkja að minnsta kosti einu sinni á dag og sex af hverjum tíu að minnsta kosti einu sinni í viku. Nær helmingur segist stundum ekki komast í gegnum daginn án orkudrykkja. Þetta kemur fram í nýrri norrænni skýrslu.
Í skýrslunni segjast 30% ungmenna á aldrinum 15–19 ára hafa fundið fyrir neikvæðum heilsufarsáhrifum af neyslu orkudrykkja, meðal annars hjartsláttartruflunum, svefntruflunum og svima. Þá segjast 15% finna fyrir vanlíðan þegar þau drekka ekki orkudrykki og eitt af hverjum þremur ungmennum vill draga úr neyslu sinni.
Tiltölulega stór hluti, eða 39%, segist hafa byrjað að neyta orkudrykkja 13 ára eða yngri, en 16% segjast aldrei neyta orkudrykkja.
Þegar ungmennin voru spurð um ástæðu fyrir neyslu á orkudrykkjum nefndu flest þeirra bragðið, eða 73% þeirra. Aðrar algengar ástæður eru til að fá meiri orku (51%) og að halda sér vakandi (34%). Niðurstöðurnar sýna einnig að drengir drekka oftar orkudrykki en stúlkur.
Alls tóku 4.916 ungmenni þátt í rannsókninni en Matvælastofnun Svíþjóðar (Livsmedelsverket) sá um framkvæmd hennar. Verkefnið var fjármagnað af Norrænu ráðherranefndinni.
„Niðurstöður rannsóknarinnar senda skýr viðvörunarmerki um að allt of mörg ungmenni séu háð orkudrykkjum til að komast í gegnum daglegt líf. Það getur haft alvarlegar afleiðingar fyrir andlega heilsu ungs fólks og skólagöngu þeirra. Þetta er sameiginleg áskorun fyrir Norðurlöndin og við þurfum í sameiningu að rjúfa þetta mynstur,“ segir Karen Ellemann, framkvæmdastjóri Norrænu ráðherranefndarinnar.
This is an extract. The publication continues at the source.
Source: Embætti landlæknis (Directorate of Health).
Read the original at the source: https://island.is/s/landlaeknir/frett/norraen-rannsokn-sex-af-hverjum-tiu-ungmennum-drekka-orkudrykki-i-hverri-viku
Officially imported this from Embætti landlæknis (Directorate of Health)’s own source and shows an extract. If you work there, claiming the profile and verifying the domain lets you choose to show the full text here.
Provenance
- Organization
- Embætti landlæknis (Directorate of Health) — imported from official source
- Official source
- https://island.is/rss.xml?organization=landlaeknir RSS
- Imported
- October 03, 2026 20:38
- Versions
- 1 recorded
- Identity
-
https://island.is/s/landlaeknir/frett/norraen-rannsokn-sex-af-hverjum-tiu-ungmennum-dre...