Samstarf Norðurlandanna á sviði kjarnöryggis og geislavarna eflt

Imported from official source

Announcement

Safety Classified by Officially

Birt hefur verið stefnuskýrsla norrænu geislavarnastofnananna á sviði kjarnöryggis og geislavarna: "Nordic Strategy Group Report: Enhancing Nordic cooperation in Nuclear and Radiation Safety". Geislavarnastofnanir allra Norðulandanna tóku þátt í verkefninu: DEMA (Danmörk), DSA (Noregur), GR (Ísland), SIS (Danmörk), SSM (Svíþjóð) og STUK (Finnland).

Á forstjórafundi stofnananna í Reykjavík í ágúst 2023 var ákveðið að setja saman hóp til að útbúa stefnuskjal um norrænt samstarf til næstu ára með hliðsjón af vaxandi orkuþörf og breyttri stöðu í heimsmálunum. 

Aukinn áhugi er á nýtingu kjarnorku á Norðurlöndunum. Finnland og Svíþjóð hafa tekið upp stefnu sem leyfir aukna nýtingu kjarnorku. Að auki hefur Noregur sett á laggirnar nefnd sem skoðar fýsileika þess að nota kjarnorku til orkuframleiðslu. 

Einnig kallar breytt staða í heimsmálunum á aukna samvinnu geislavarnastofnana Norðurlandanna. Innrás Rússa í Úkraínu hefur hefur orðið til þess að geislavarnastofnanir hafa endurskoðað viðbúnaðaráætlanir sínar. Ástæðan er auknar líkur á slysum í kjarnorkuverum í Úkraínu vegna stríðsástandsins þó mögulegar beinar afleiðingar vegna þess yrðu ekki miklar á Norðulöndunum. Einnig þykja kjarnorkuver í Norðvestur-Rússlandi og geymslur fyrir kjarnorkuúrgang á Kólaskaga áhyggjuefni. Þá hefur umferð kjarnorkuknúinna skipa á Norður-Atlantshafinu aukist, þar með talin umferð og heimsóknir kjarnorkuknúinna skipa og kafbáta NATO. 

Í ljósi þessa þurfa Norðurlöndin að hafa getu til að takast á við alvarleg geislaslys. Þau þurfa að búa yfir getu til að mæla áhrifin, geta gripið fljótt til viðeigandi öryggisráðstafana og miðla upplýsingum til almennings. Þá þarf einnig að vera til staðar þekking og geta til að þiggja erlenda aðstoð enda hefur hvert land takmarkaðan mannafla og búnað til að takast á við meiriháttar geislalys. 

Í skýrslunni er 13 tillögum um bætt samstarf  skipt í fjóra flokka: 

This is an extract. The publication continues at the source.

Source: Geislavarnir ríkisins (Icelandic Radiation Safety Authority).

Read the original at the source: https://island.is/s/geislavarnir-rikisins/frett/samstarf-nordurlandanna-a-svidi-kjarnoeryggis-og-geislavarna-eflt

Officially imported this from Geislavarnir ríkisins (Icelandic Radiation Safety Authority)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Geislavarnir ríkisins (Icelandic Radiation Safety Authority) — imported from official source
Official source
https://island.is/rss.xml?organization=geislavarnir-rikisins RSS
Imported
October 03, 2026 20:38
Versions
1 recorded
Identity
https://island.is/s/geislavarnir-rikisins/frett/samstarf-nordurlandanna-a-svidi-kjarnoe...

Officially records where a publication came from, not whether it is true. Imported records are reproduced from an organization's own official source.