Götusýningin Skissum sýklalyfjaónæmi opnar í Austurstræti

Imported from official source

Announcement

Götusýningin Skissum sýklalyfjaónæmi opnaði nýlega í Austurstræti í Reykjavík og stendur fram í ágúst.

Þessi farandsýning hófst í Vín og hefur ferðast til Varsjár, Brussel, Lyon, Rómar og Madrid. Sýningin leitast við að útskýra mikilvægi samstilltra aðgerða gegn sýklalyfjaónæmi.

Skissum sýklalyfjaónæmi (Sketching AMR) er hluti af evrópska samstarfsverkefninu EU-JAMRAI 2, sameiginlegu átaki ESB/EES ríkja gegn sýklalyfjaónæmi og sýkingum tengdum heilbrigðisþjónustu.

Sýningin samanstendur af myndskreytingum 30 listamanna frá 30 Evrópuríkjum, en Hugleikur Dagsson er fulltrúi Íslands. Listafólkið fékk það verkefni að tengja saman listir og vísindi en herferðin nýtir skapandi og sjónræna miðla til að auka þekkingu á sýklalyfjaónæmi.

Skissurnar voru unnar út frá sjónarhorni Einnar heilsu (One Health), sem leggur áherslu á tengsl milli heilbrigðis fólks, dýra og umhverfis og undirstrikar að áskoranir á borð við sýklalyfjaónæmi verða ekki leystar innan eins geira heldur krefjast samstarfs og samræmdra aðgerða.

Sóttvarnalæknir hefur einnig fengið útprentuð albúm með myndunum sem dreift hefur verið til mennta-, heilbrigðis- og menningarstofnana um land allt. Með bókunum er leitast við að auka sýnileika verkefnisins og stuðla að aukinni vitund um sýklalyfjaónæmi og áhrif þess á heilbrigði fólks, dýra og umhverfis.

This is an extract. The publication continues at the source.

Source: Embætti landlæknis (Directorate of Health).

Read the original at the source: https://island.is/s/landlaeknir/frett/goetusyningin-skissum-syklalyfjaonaemi-opnar-i-austurstraeti

Officially imported this from Embætti landlæknis (Directorate of Health)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Embætti landlæknis (Directorate of Health) — imported from official source
Official source
https://island.is/rss.xml?organization=landlaeknir RSS
Imported
October 03, 2026 20:38
Versions
1 recorded
Identity
https://island.is/s/landlaeknir/frett/goetusyningin-skissum-syklalyfjaonaemi-opnar-i-au...

Officially records where a publication came from, not whether it is true. Imported records are reproduced from an organization's own official source.