Birting álagningar einstaklinga 2026
Finance Classified by Officially
Niðurstöður álagningar einstaklinga 2026, vegna tekna 2025, verða birtar á þjónustuvef Skattsins 21. maí. Inneignir verða greiddar út 1. júní og launagreiðendur fá upplýsingar um skuldir til að draga af launum.
Niðurstöður álagningar einstaklinga 2026, vegna tekna 2025, verða birtar á þjónustuvef Skattsins 21. maí. Inneignir verða greiddar út 1. júní og launagreiðendur fá upplýsingar um skuldir til að draga af launum.
Við álagningu eru gerðir upp ofgreiddir og vangreiddir skattar vegna fyrra árs auk þess sem lögð eru á gjöld svo sem útvarpsgjald og gjald í framkvæmdasjóð aldraðra.
Inneignir eru lagðar inn á þann bankareikning sem skráður er hjá innheimtumönnum. Ef engar upplýsingar um skráðan bankareikning liggja fyrir er hægt að skrá nýjan eða breyta fyrri skráningu á þjónustuvef Skattsins.
Skuldir - dreifa greiðslu á lengra tímabil
Skuld eftir álagningu er skipt niður á allt að sjö gjalddaga. Innheimta skulda fer almennt í gegnum launagreiðendur. Þeim er send krafa um að draga skuld frá launum hvers mánaðar.
Þau sem það vilja geta samið um að gera nýja greiðsluáætlun og skipta greiðslunni á lengra tímabil.Greiðsluáætlun er gerð til að lækka mánaðarlega greiðslubyrði en á móti kemur hærri vaxtakostnaður.
Innheimta hjá sjálfstætt starfandi og fólki ekki í vinnu
Þau sem ekki eru í vinnu, svo sem á eftirlaunum eða fæðingarorlofi, eða starfa sjálfstætt fá sendan greiðsluseðil vegna innheimtu skatta eftir álagningu.
Útbúnar hafa verið stuttar leiðbeiningar um hvernig lesa megi úr álagningunni á íslensku, ensku og pólsku, sem og bæklingar á íslensku og ensku.
Nánari upplýsingar um niðurstöðu álagningar má fá með því að senda fyrirspurn eða hringja. Einnig getur spjallmennið svarað ýmsum spurningum varðandi álagninguna og innheimtu.
Niðurstöður álagningar eru aðgengilegar á þjónustuvef og þarf að nota rafræn skilríki eða veflykil til innskráningar. Mögulegt er að panta veflykil og fá hann sendan í heimabanka. Mælt er með notkun rafrænna skilríkja sem öruggari innskráningarleið.
This is an extract. The publication continues at the source.
Source: Skatturinn (Iceland Revenue and Customs).
Read the original at the source: https://island.is/s/skatturinn/frett/birting-alagningar-einstaklinga-2026
Officially imported this from Skatturinn (Iceland Revenue and Customs)’s own source and shows an extract. If you work there, claiming the profile and verifying the domain lets you choose to show the full text here.
Provenance
- Organization
- Skatturinn (Iceland Revenue and Customs) — imported from official source
- Official source
- https://island.is/rss.xml?organization=skatturinn RSS
- Imported
- October 03, 2026 20:38
- Versions
- 1 recorded
- Identity
-
https://island.is/s/skatturinn/frett/birting-alagningar-einstaklinga-2026