Heilbrigð vinnustaðamenning er besta forvörnin

Imported from official source

Announcement

Vinnueftirlitið hvetur vinnustaði landsins til að staldra við í tilefni forvarnardags gegn einelti sem er í dag og huga að vinnustaðamenningunni. Heilbrigð vinnustaðamenning leggur grunn að öryggi og vellíðan starfsfólks og er lykillinn að árangri.

Vinnustaðamenningin endurspeglar þau gildi, viðhorf og venjur sem ríkja á hverjum tíma og móta hvernig starfsfólk talar saman, leysir úr málum og á í samskiptum. Þegar menningin byggir á jákvæðum gildum og skýrum viðmiðum skapast traust og sálrænt öryggi. Ef ekki er hugað markvisst að því hvernig menningu vinnustaðurinn vill hafa er hætta á að hún móti sig sjálf og samskipti skorti mörk og ábyrgð. Með því eykst hætta á að jarðvegur skapist fyrir einelti, áreitni og ofbeldi á vinnustað.

Þegar stjórnendur og starfsfólk vinnur saman að því að leggja rækt við heilbrigða vinnustaðamenningu verður til sameiginlegt leiðarljós fyrir samskipti og hegðun. Skýr gildi og viðmið hjálpa starfsfólki að setja mörk, axla ábyrgð og eiga í uppbyggilegum samskiptum.

Ein leið til að móta slík viðmið er að vinna að gerð samskiptasáttmála, þar sem starfsfólk og stjórnendur koma sér saman um hvernig vinsemd, virðing og traust birtast í daglegum samskiptum og vinnulagi. Með slíkri menningu verða samskipti opin og heiðarleg og starfsfólk treystir sér til að benda á mál sem þarf að leysa, til dæmis samskiptavanda tengdum einelti, áreitni og ofbeldi. Heilbrigð vinnustaðamenning er því ekki einungis markmið í sjálfu sér heldur árangursrík forvörn sem stuðlar að öryggi og vellíðan á vinnustað.

This is an extract. The publication continues at the source.

Source: Vinnueftirlitið (Administration of Occupational Safety and Health).

Read the original at the source: https://island.is/s/vinnueftirlitid/frett/heilbrigd-vinnustadamenning-er-besta-forvoernin

Officially imported this from Vinnueftirlitið (Administration of Occupational Safety and Health)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Vinnueftirlitið (Administration of Occupational Safety and Health) — imported from official source
Official source
https://island.is/rss.xml?organization=vinnueftirlitid RSS
Imported
October 03, 2026 20:38
Versions
1 recorded
Identity
https://island.is/s/vinnueftirlitid/frett/heilbrigd-vinnustadamenning-er-besta-forvoernin

Officially records where a publication came from, not whether it is true. Imported records are reproduced from an organization's own official source.