Utanríkisráðherra fundaði með framkvæmdastjóra afvopnunarmála hjá SÞ

Þorgerður Katrín Gunnarsdóttir utanríkisráðherra átti í gær fund með Izumi Nakamitsu, framkvæmdastjóra afvopnunarmála hjá Sameinuðu þjóðunum. Nakamitsu heimsótti Ísland til að taka þátt í friðarráðstefnunni Imagine Forum sem fór fram í Hörpu í gær.

Á fundinum voru öryggisógnir sem heimurinn stendur frammi fyrir til umræðu, annars vegar vegna vaxandi vígbúnaðarkapphlaups og nýjar áskoranir sem fylgja notkun gervigreindar í hernaði.

„Við áttum gott samtal þar sem við ræddum meðal annars þá alvarlegu stöðu sem upp er komin í tengslum við kjarnorkuvá. Við stöndum frammi fyrir allt annarri stöðu en ríkti á tímum kalda stríðsins og því er brýnt að endurbyggja það traust sem hefur rofnað innan alþjóðakerfisins á undanförnum árum,“ segir Þorgerður Katrín.

Þó gervigreindin hafi nú þegar skapað fjölmörg tækifæri sé mikilvægt að fara varlega varðandi notkun hennar.