Mikilvægt að sannreyna stafræn ökuskírteini

Lögreglan á höfuðborgarsvæðinu greindi í gær frá rannsókn á sölu falsaðra stafrænna skilríkja til ungmenna. Stafrænt Ísland birti af því tilefni tilkynningu um það hvernig megi sannreyna stafræn ökuskírteini með skanna í Ísland.is appinu.

Stafrænt ökuskírteini er jafngilt hefðbundnu ökuskírteini hér á landi. Ríkislögreglustjóri gefur það út í gegnum Ísland.is á grundvelli reglugerðar nr. 830/2011 um ökuskírteini.

Skanninn í Ísland.is appinu er opinn öllum og sannreynir á öruggan hátt hvort ökuskírteini sé ósvikið og gilt. Ef vafi leikur á gildi þess má óska eftir hefðbundnu ökuskírteini eða öðrum gildum skilríkjum.

Nánari upplýsingar um skannann eru á vef Ísland.is.