Vinnueftirlitið hlýtur viðurkenningu Jafnvægisvogarinnar í fimmta skipti

Vinnueftirlitið hefur hlotið viðurkenningu Jafnvægisvogarinnar 2026 og er það fimmta árið í röð sem stofnunin hlýtur þann heiður.

Viðurkenningin er veitt fyrirtækjum, sveitarfélögum, lífeyrissjóðum og opinberum aðilum sem hafa náð því markmiði að hlutfall hvors kyns sé að lágmarki 40% í efsta lagi stjórnunar.

Að þessu sinni hlutu 163 fyrirtæki, sveitarfélög og stofnanir viðurkenningu og er það 27,3% fjölgun milli ára.

“Það er afskaplega ánægjulegt að sjá sífellt fleiri vinnustaði bætast í hópinn. Fjölbreytt forysta skapar rými fyrir ólík sjónarmið og hæfileika starfsfólks sem er ein af forsendum heilbrigðrar vinnustaðamenningar og þess að vinnustaðir nái árangri,” segir Hanna Sigríður Gunnsteinsdóttir, forstjóri Vinnueftirlitsins.”