Talnabrunnur – 7. tölublað 2026. Svefn, hreyfing og næring fullorðinna

Nýtt tölublað Talnabrunns, fréttabréfs landlæknis um heilbrigðisupplýsingar, hefur verið gefið út.

Nýtt tölublað Talnabrunns gefur yfirlit yfir svefn, hreyfingu, kyrrsetu, næringu og aðra heilsutengda þætti meðal fullorðinna landsmanna. Allt eru þetta mikilvægir þættir í að efla heilsu og vellíðan.

Niðurstöðurnar benda til þess að margir hafi tileinkað sér heilsusamlegar venjur, meðal annars hvað varðar hreyfingu og svefn. Kyrrseta er þó algeng og er svigrúm til að bæta daglegar hreyfivenjur.

Greining gagna sýnir einnig að mataræði landsmanna er á margan hátt fjölbreytt en að áfram má auka neyslu á ávöxtum og grænmeti. Þá hefur inntaka D-vítamíns sem bætiefnis aukist en hana mætti auka enn meira. Neysla orkudrykkja er algeng meðal sumra hópa.