Mænusótt nær horfin úr heiminum en baráttunni er ekki lokið

Alþjóðlegur dagur gegn mænusótt (World Polio Day) var haldinn 24. október. Dagurinn minnir á þann mikla árangur sem náðst hefur í baráttunni gegn þessum alvarlega smitsjúkdómi, en jafnframt mikilvægi þess að halda áfram bólusetningum og vöktun þar til sjúkdómnum hefur verið útrýmt um allan heim. Í ár eru jafnframt liðin 70 ár frá því að bólusetningar gegn mænusótt hófust á Íslandi.