Norrænt samstarf um heilbrigðisgögn
Embætti landlæknis ásamt heilbrigðisráðuneytinu og Háskóla Íslands hefur síðustu tvö ár tekið þátt í norræna verkefninu VALO, sem miðar að því að auðvelda endurnýtingu heilbrigðisgagna til vísindarannsókna, nýsköpunar og stefnumótunar þvert á landamæri. Embættið leiddi vinnu við tillögur að varanlegu norrænu samstarfi um heilbrigðisgögn. Lokaniðurstöður verkefnisins hafa nú verið birtar.
VALO (Value from Nordic health data) var samstarfsverkefni Norðurlandanna fimm. Eistland og Litháen tóku auk þess þátt sem áheyrnaraðilar í seinni áfanga þess. Norræna ráðherranefndin fjármagnaði verkefnið og finnski nýsköpunarsjóðurinn Sitra stýrði því. Yfir 20 ráðuneyti og stofnanir tóku þátt.
Verkefnið snerist um endurnýtingu heilbrigðisgagna (e. secondary use), það er notkun heilbrigðisgagna í öðrum tilgangi en upphaflega var ætlað. Dæmi um slíka notkun eru vísindarannsóknir, nýsköpun og stefnumótun. Helsti hvati verkefnisins var reglugerðin um evrópska heilbrigðisgagnasvæðið (e. European Health Data Space, EHDS) sem samþykkt var í mars 2025, en hún setur meðal annars sameiginlegar reglur um endurnýtingu heilbrigðisgagna.
Norðurlöndin búa öll yfir landsþekjandi heilbrigðisskrám sem ná áratugi aftur í tímann. Einkvæm persónuauðkenni í hverju landi gera kleift að tengja saman gögn, almenningur ber mikið traust til opinberra stofnana og stuðningur við rannsóknir er almennt mikill. Ef gögn landanna eru nýtt saman verða til öflugri rannsóknagrunnar sem nýta má til þess að bæta heilbrigðisþjónustu. Hingað til hefur hins vegar reynst flókið og tímafrekt að vinna með gögn þvert á landamæri.
Samræmd innleiðing evrópska heilbrigðisgagnasvæðisins
This is an extract. The publication continues at the source.
Source: Embætti landlæknis (Directorate of Health).
Read the original at the source: https://island.is/s/landlaeknir/frett/norraent-samstarf-um-heilbrigdisgoegn
Officially imported this from Embætti landlæknis (Directorate of Health)’s own source and shows an extract. If you work there, claiming the profile and verifying the domain lets you choose to show the full text here.
Provenance
- Organization
- Embætti landlæknis (Directorate of Health) — imported from official source
- Official source
- https://island.is/rss.xml?organization=landlaeknir RSS
- Imported
- November 02, 2026 14:33
- Versions
- 1 recorded
- Identity
-
https://island.is/s/landlaeknir/frett/norraent-samstarf-um-heilbrigdisgoegn