Hacking av frysarar: Noreg kan også bli ramma

Imported from official source

Announcement

Cybersecurity Classified by Officially

Aktørar i heile verdikjeda må ta ansvar for tryggleiken, seier avdelingsdirektør Espen Slette i Nkom.

I midten av oktober blei franske matvarekjeder utsette for hacking, og temperaturen i frysarar blei justert kraftig opp slik at tonnevis med mat måtte kastast. Dei siste dagane har også kjeder og butikkar i andre europeiske land blitt utsette for liknande angrep.

– Dette er noko Nkom følgjer tett gjennom arbeidet med cyberrobustheitsforordninga. Regelverket har enno ikkje tredd i kraft i Noreg, men vi kan ikkje vere naive og tru at slike hendingar ikkje også kan ramme norske brukarar og verksemder. Derfor er det viktig at aktørar i heile verdikjeda, frå produsentar og importørar til norske daglegvareaktørar, tek ansvar for tryggleiken i produkta ved å kartleggje systema sine, sørgje for løpande oppdateringar og lukke kjende sårbarheiter så raskt som mogleg, seier Espen Slette, avdelingsdirektør i Nkom.

Utviklinga innan kunstig intelligens gjer utfordringsbiletet meir krevjande. Stadig kraftigare KI-modellar kan bidra til at tryggleikshol blir oppdaga raskare, men også til at sårbarheiter kan utnyttast raskare og i større skala.

Det skjerpar krava til at både styresmakter og næringsliv følgjer utviklinga tett og arbeider systematisk med tryggleik gjennom heile levetida til produktet.

– Generelt viser desse hendingane risikoen ved å ha IoT-produkt kopla til internett. Dette inneber at produsentar og brukarar må ta eit større tryggleiksansvar. Verksemdene bør allereie no stille spørsmål til leverandørar om oppdateringar, sårbarheitshandtering og tryggleiksstøtte, uavhengig av om cyberrobustheitsforordninga har tredd i kraft i Noreg eller ikkje, seier Slette.

This is an extract. The publication continues at the source.

Source: Nasjonal kommunikasjonsmyndighet (Nkom).

Read the original at the source: https://nkom.no/aktuelt/hacking-av-frysarar-noreg-kan-ogsa-bli-ramma

Officially imported this from Nasjonal kommunikasjonsmyndighet (Nkom)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Nasjonal kommunikasjonsmyndighet (Nkom) — imported from official source
Official source
https://nkom.no/aktuelt/rss.xml RSS
Imported
November 03, 2026 16:02
Versions
1 recorded
Identity
cd9a9953-fb50-437c-8537-3acfe30fff61

Officially records where a publication came from, not whether it is true. Imported records are reproduced from an organization's own official source.