Öndunarfærasýkingar - Vika 44 árið 2026
Fjöldi greininga á öndunarfærasýkingum sveiflast milli vikna en hefur þó aukist frá því í sumar. Inniliggjandi á Landspítala með greinda öndunarfærasýkingu fækkaði undanfarnar tvær vikur. Bólusetningar gegn inflúensu eru hafnar.
Greiningar á inflúensu sveiflast milli vikna. Í síðustu viku (viku 44) greindust heldur fleiri en í vikunni á undan. Fjöldi COVID-19 greininga sveiflast einnig. Heilt yfir hefur þó greiningum inflúensu og COVID-19 fjölgað frá því í sumar. Enn hefur engin RS-veira greinst í vetur.
Færri greindust með rhinoveiru í síðustu viku samanborið við vikurnar á undan. Hins vegar fjölgaði greiningum á parainflúensum.
Hlutfall jákvæðra öndunarfærasýna af greindum sýnum hefur verið á bilinu 30-40% undanfarnar þrjár vikur.
Einstaklingum sem lágu á Landspítala með öndunarfæraveirusýkingu fækkaði síðastliðnar tvær vikur, en fjöldinn hefur þó almennt aukist frá því í sumar.
Bólusetningar gegn inflúensu eru komnar á fullt skrið. Apótek víða um land taka nú þátt í bólusetningum fullorðinna, mörg í fyrsta sinn.
Nú í vetur var lögð aukin áhersla á að bóluefni gegn inflúensu sem sóttvarnalæknir tryggir næði til forgangshópa, enda bóluefni einnig fáanlegt á almennum markaði fyrir einstaklinga utan forgangshópa. Gögn um skráðar bólusetningar sýna að um fjórðungur bóluefnis sem sóttvarnalæknir útvegar hefur verið notaður og mikill meirihluti þeirra skammta sem gefnir hafa verið hafa farið til forgangshópa (mynd 1).
Mynd 1. Hlutfall bólusetninga eftir forgangshópi og þjónustuaðila það sem af er þessum vetri. Gögn ná til 4. nóvember 2026.
Mælaborð sóttvarnalæknis um öndunarfærasýkingar hefur verið uppfært með gögnum út viku 44 árið 2026 (26. október.-1. nóvember 2026).
Mynd 2: Fjöldi greininga á öndunarfæraveirum og fjöldi einstaklinga inniliggjandi á Landspítala með öndunarfæraveirur, sjá mælaborð.
This is an extract. The publication continues at the source.
Source: Embætti landlæknis (Directorate of Health).
Read the original at the source: https://island.is/s/landlaeknir/frett/oendunarfaerasykingar-vika-44-arid-2026
Officially imported this from Embætti landlæknis (Directorate of Health)’s own source and shows an extract. If you work there, claiming the profile and verifying the domain lets you choose to show the full text here.
Provenance
- Organization
- Embætti landlæknis (Directorate of Health) — imported from official source
- Official source
- https://island.is/rss.xml?organization=landlaeknir RSS
- Imported
- November 05, 2026 14:33
- Versions
- 1 recorded
- Identity
-
https://island.is/s/landlaeknir/frett/oendunarfaerasykingar-vika-44-arid-2026