Ný vitundarvakning hvetur fólk til að undirbúa efri árin

Imported from official source

Announcement

Safety Classified by Officially

Landsmenn eru í nýrri vitundarvakningu hvattir til að huga tímanlega að eigin heilsu, félagslegum tengslum og virkni á efri árum. Félags- og húsnæðismálaráðuneytið stendur fyrir átakinu sem er hluti af verkefninu Gott að eldast.

Vitundarvakningunni er ætlað að minna á að undirbúningur fyrir efri árin hefst löngu áður en fólk lætur af störfum. Leikarinn Sigurður Sigurjónsson bregður sér í gervi Gamla Nóa og sýnir á skemmtilegan hátt hvernig hægt er að undirbúa þetta nýja æviskeið. Ingeborg frænka kemur einnig við sögu.

Meginboðskapurinn er einfaldur: Mikilvægt er að gera eitthvað á hverjum degi sem styrkir líkamann, ræktar hugann og eflir félagsleg tengsl.

Það getur falist í reglulegri hreyfingu, gönguferðum eða sundi, að læra eitthvað nýtt, takast á við krefjandi verkefni eða rækta sambandið við vini og fjölskyldu. Ekki síður skiptir máli að finna sér áhugamál og félagsstarf sem veitir gleði og tilgang.

Þegar fólk lætur af störfum verða oft miklar breytingar á daglegu lífi. Því er mikilvægt að hafa áður byggt upp félagsleg tengsl, fundið sér áhugamál og tileinkað sér venjur sem stuðla að góðri heilsu.

Efri árin, eða silfurskeiðið, fela í sér ný tækifæri og verkefni. Líkt og þegar fólk undirbýr sig fyrir nýtt starf getur góður undirbúningur skipt sköpum fyrir það hvernig þessu æviskeiði er varið.

Gott að eldast snýst ekki eingöngu um skipulag opinberrar þjónustu heldur einnig um viðhorf samfélagsins til öldrunar, þátttöku og sjálfstæðis eldra fólks.

Mikilvægt er að fólk á öllum aldri hugi að eigin heilsu og virkni en jafnframt að samfélagið stuðli að góðum félagslegum tengslum og vinni gegn einangrun. Þar geta fjölskyldur, vinir, nágrannar, félagasamtök og nærsamfélagið allt gegnt mikilvægu hlutverki.

This is an extract. The publication continues at the source.

Source: Ministry of Social Affairs and Housing (Iceland).

Read the original at the source: https://www.stjornarradid.is/efst-a-baugi/frettir/stok-frett/2026-11-09-ny-vitundarvakning-hvetur-folk-til-ad-undirbua-efri-arin

Officially imported this from Ministry of Social Affairs and Housing (Iceland)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Ministry of Social Affairs and Housing (Iceland) — imported from official source
Official source
https://www.stjornarradid.is/api/documents/views/frettir-news-articles/Felags-og-husnaedismalaraduneytid/rss RSS
Imported
November 09, 2026 13:31
Versions
1 recorded
Identity
2026-11-09-ny-vitundarvakning-hvetur-folk-til-ad-undirbua-efri-arin

Officially records where a publication came from, not whether it is true. Imported records are reproduced from an organization's own official source.