Raunhæf framfærsluskilyrði fyrir umsóknir um dvalarleyfi

Imported from official source

Announcement

Dómsmálaráðuneytið hefur birt drög að reglugerð í samráðsgátt þar sem kveðið er skýrt á um trygga framfærslu þeirra sem sækja um dvalarleyfi eða íslenskan ríkisborgararétt. Markmiðið er að tryggja að þeir sem setjast hér að geti séð fyrir sér og fjölskyldum sínum en þurfi ekki að reiða sig á félagslega aðstoð. Framfærslugeta getur jafnframt verið sterk vísbending um að einstaklingur hafi komið sér fyrir í íslensku samfélagi og myndað raunveruleg tengsl við landið.

Ákveðin fjárhæð bundin í reglugerð

Í lögum um útlendinga er nú þegar gerð krafa um að sá sem sækir um dvalarleyfi þurfi að sýna fram á trygga framfærslu þann tíma sem hann vill dveljast hér á landi. Lögin heimila ráðherra að kveða nánar á um kröfuna í reglugerð. Sambærilega heimild er að finna í lögum um íslenskan ríkisborgararétt en hvorug heimildin hefur verið nýtt hingað til.

Þetta yrði því í fyrsta skipti sem ákveðin upphæð væri bundin í reglugerð. Sambærilegar reglur gilda á öðrum Norðurlöndum.  Fram til þessa hefur Útlendingastofnun sjálf birt viðmið á vef sínum sem samsvarar grunnfjárhæð fjárhagsaðstoðar Reykjavíkurvíkurborgar eða 259.951.

Í skýrslu starfshóps um dvalarleyfi sem gefin var út í nóvember var bent á að viðmiðin á Íslandi væru mjög lág og tækju ekki mið af fjölskyldustærð. Þá væri erfitt að sannreyna hvort fjármunir umsækjenda væru nægir eða í eigu þeirra.

Reglugerðin breytir ekki skilyrðum fyrir veitingu dvalarleyfis á grundvelli alþjóðlegrar verndar eða mannúðarsjónarmiða. Þá falla engin leyfi sjálfkrafa úr gildi við gildistöku heldur munu reglurnar eiga við þegar sótt er um leyfi og þegar óafgreiddar umsóknir eru afgreiddar.

Framfærsluskilyrði gerð skýr og fyrirsjáanleg

This is an extract. The publication continues at the source.

Source: Ministry of Justice (Iceland).

Read the original at the source: https://www.stjornarradid.is/efst-a-baugi/frettir/stok-frett/2026-11-03-skyr-og-raunhaef-framfaersluskilyrdi-fyrir-umsoknir-um-dvalarleyfi

Officially imported this from Ministry of Justice (Iceland)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Ministry of Justice (Iceland) — imported from official source
Official source
https://www.stjornarradid.is/api/documents/views/frettir-news-articles/Domsmalaraduneytid/rss RSS
Imported
November 11, 2026 10:32
Versions
1 recorded
Identity
2026-11-03-skyr-og-raunhaef-framfaersluskilyrdi-fyrir-umsoknir-um-dvalarleyfi

Officially records where a publication came from, not whether it is true. Imported records are reproduced from an organization's own official source.