Alþjóðlegur minningardagur um fórnarlömb umferðarslysa næsta sunnudag
Safety Classified by Officially
Árlegur alþjóðlegur minningardagur um fórnarlömb umferðarslysa verður haldinn á sunnudaginn, 15. nóvember. Haldnar verða að minnsta kosti 17 minningarathafnir víða um land. Fólk er hvatt til að sýna hluttekningu og leiða hugann að ábyrgð sinni í umferðinni. Að þessu sinni verður sjónum beint að ungum vegfarendum í umferðinni og hraðakstri ungmenna.
Í Reykjavík verður minningarathöfn haldin venju samkvæmt við þyrlupall bráðamóttöku Landspítalans í Fossvogi kl. 14:00. Öll eru velkomin og er fólk hvatt til að mæta tímanlega og vera vel klætt því spáð er köldu veðri. Að öðru leiti er spáð björtu og fallegu veðri. Halla Tómasdóttir forseti Íslands og Eyjólfur Ármannsson innviðaráðherra flytja stutt ávörp og síðan mun Halldór Már Halldórsson segja reynslusögu sína en sökum hraðakstur varð hann ungur að árum varð hann valdur að banaslysi þar sem besti vinur hans lést. Hraðakstur er ein helsta orsök alvarlegra slysa og banaslysa, ekki síst meðal ungs fólks.
Slysavarnafélagið Landsbjörg, í samvinnu við viðbragðsaðila á hverjum stað, standa að minningarathöfnum víða um land. Á heimasíðunni minningardagur.is má sjá nánari upplýsingar um þá viðburði, dagskrá þeirra og staðsetningu. Auk Landsbjargar og björgunarsveita boðar fjöldi annarra viðbragðsaðila til athafna víða um land.
Einkennislag minningardagsins er sem fyrr lag KK, I Think of Angels, í flutningi hans og Ellenar sem samið var til minningar um systur þeirra sem lést í umferðarslysi í Bandaríkjunum árið 1992. Lagið verður flutt samtímis á öllum útvarpsstöðum kl. 14 á minningardaginn. Nemendur í MH-kórnum munu síðan flytja lagið við athöfnina í Fossvogi.
Tilgangurinn með deginum er að minnast þeirra sem látist hafa í umferðarslysum og leiða hugann að ábyrgð hvers og eins í umferðinni. Þá er rík hefð fyrir því á minningardeginum að færa starfsstéttum sem sinna björgun og aðhlynningu þakkir fyrir mikilvægt og óeigingjarnt starf þeirra.
This is an extract. The publication continues at the source.
Source: Samgöngustofa (Icelandic Transport Authority).
Read the original at the source: https://island.is/s/samgongustofa/frett/althjodlegur-minningardagur-um-fornarloemb-umferdarslysa-naesta-sunnudag
Officially imported this from Samgöngustofa (Icelandic Transport Authority)’s own source and shows an extract. If you work there, claiming the profile and verifying the domain lets you choose to show the full text here.
Provenance
- Organization
- Samgöngustofa (Icelandic Transport Authority) — imported from official source
- Official source
- https://island.is/rss.xml?organization=samgongustofa RSS
- Imported
- November 13, 2026 11:30
- Versions
- 1 recorded
- Identity
-
https://island.is/s/samgongustofa/frett/althjodlegur-minningardagur-um-fornarloemb-umfe...