Undanþágur við útreikning fjárframlaga til háskóla vegna nemenda utan EES

Imported from official source

Announcement

Education Classified by Officially

Menningar-, nýsköpunar- og háskólaráðuneytið hefur birt breytingar á reglum um fjárframlög til háskóla, nr. 755/2024, í Stjórnartíðindum. Samkvæmt breytingunum verður að jafnaði ekki lengur tekið tillit til lokinna námseininga og brautskráninga nemenda utan Evrópska efnahagssvæðisins (EES) og Fríverslunarsamtaka Evrópu (EFTA) við útreikning fjárframlaga vegna kennslu. Takmörkunin kemur fyrst til framkvæmda vegna lokinna eininga og brautskráninga sem falla til á háskólaárinu 2027–2028 eða síðar.

Þá eru skilgreindar undanþágur frá þessum takmörkunum. Undanþágurnar ná meðal annars til nemenda með ótímabundið dvalarleyfi, tiltekinna fjölskyldumeðlima íslenskra ríkisborgara og EES- eða EFTA-borgara, einstaklinga sem njóta alþjóðlegrar verndar, nemenda í alþjóðlegu háskólasamstarfi, nemenda sem stunda nám á grundvelli alþjóðlegrar þróunarsamvinnu Íslands og doktorsnema.

Sérstök undanþága nær jafnframt til heilbrigðisstarfsmanna sem sinna beinni meðferð eða umönnun sjúklinga og starfsfólks leik- og grunnskóla sem sinnir kennslu, uppeldi eða umönnun barna, að uppfylltum skilyrðum um dvalarleyfi vegna atvinnuþátttöku og diplómanám í íslensku sem öðru máli á háskólastigi. Með undanþágunni er komið til móts við sjónarmið um mikilvægi íslenskukunnáttu starfsfólks í heilbrigðis- og menntakerfinu

Auk þess verður háskólunum veitt sérstakt svigrúm til að fella niður skólagjöld nemenda utan EES og telja loknar einingar og brautskráningar þeirra með við útreikning fjárframlaga. Háskólarnir setja sjálfir nánari reglur um úthlutun og gildistíma niðurfellinganna.

Áfram verður tekið tillit til lokinna eininga og brautskráninga nemenda sem hófu nám á tiltekinni námsleið fyrir háskólaárið 2027–2028, enda haldi þeir rétti til áframhaldandi náms á þeirri námsleið samkvæmt reglum viðkomandi háskóla um námsframvindu.

This is an extract. The publication continues at the source.

Source: Ministry of Culture, Innovation and Higher Education (Iceland).

Read the original at the source: https://www.stjornarradid.is/efst-a-baugi/frettir/stok-frett/2026-11-16-undanthagur-vid-utreikning-fjarframlaga-til-haskola-vegna-nemenda-utan-ees

Officially imported this from Ministry of Culture, Innovation and Higher Education (Iceland)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Ministry of Culture, Innovation and Higher Education (Iceland) — imported from official source
Official source
https://www.stjornarradid.is/api/documents/views/frettir-news-articles/Menningar-nyskopunar-og-haskolaraduneytid/rss RSS
Imported
November 16, 2026 15:32
Versions
1 recorded
Identity
2026-11-16-undanthagur-vid-utreikning-fjarframlaga-til-haskola-vegna-nemenda-utan-ees

Officially records where a publication came from, not whether it is true. Imported records are reproduced from an organization's own official source.