Ísland tekur þátt í alþjóðlegu samstarfi til stuðnings við kyn- og frjósemisheilbrigði og -réttindi

Imported from official source

Announcement

Norðurlöndin og Suður-Afríka kynntu í dag nýtt langtímasamstarf til að efla kyn- og frjósemisheilbrigði og -réttindi (SRHR). Samstarfið var kynnt á Kaupmannahafnarfundinum (Copenhagen Summit), sem hófst í dag, en fundurinn er haldinn á vegum danskra stjórnvalda og Norrænu ráðherranefndarinnar. Markmið hans er að efla alþjóðlegan stuðning við jafnrétti kynjanna og réttindi kvenna og stúlkna.

Meginmarkmið nýja samstarfsins er að tryggja aukið fjármagn til málaflokksins og stuðla að uppbyggingu sjálfbærs alþjóðlegs fjármögnunarkerfis. Stefnt er að því að samstarfið þróist í víðtækt alþjóðlegt bandalag þar sem ríkisstjórnir, góðgerðarsjóðir, þróunarfjármögnunarstofnanir, frjáls félagasamtök og einkaaðilar sameinast um að efla stuðning við kyn- og frjósemisheilbrigði og -réttindi.

Samstarfið fellur vel að áherslum Norrænu ráðherranefndarinnar, Pushing for Progress, sem miðar að því að efla alþjóðlegt samstarf og pólitískan stuðning við jafnrétti kynjanna, réttindi kvenna og stúlkna og réttindi hinsegin fólks. Það styður jafnframt við Kaupmannahafnarákall um jafnrétti kynjanna og réttindi kvenna og stúlkna. Samstarfið er sett á laggirnar á tímum vaxandi andstöðu við jafnrétti kynjanna og rétt einstaklinga til að taka sjálfstæðar ákvarðanir um eigin líkama.

Kyn- og frjósemisheilbrigði og -réttindi snúa meðal annars að rétti fólks til að taka upplýstar ákvarðanir um líf sitt og barneignir og aðgengi að nauðsynlegum upplýsingum, menntun og heilbrigðisþjónustu. Þessi réttindi eru grundvallarforsenda jafnréttis kynjanna en sæta nú auknum þrýstingi vegna niðurskurðar á alþjóðlegri fjármögnun. Áhrifin eru sérstaklega mikil fyrir konur, stúlkur og hinsegin fólk.

This is an extract. The publication continues at the source.

Source: Ministry for Foreign Affairs (Iceland).

Read the original at the source: https://www.stjornarradid.is/efst-a-baugi/frettir/stok-frett/2026-11-16-island-tekur-thatt-i-althjodlegu-samstarfi-til-studnings-vid-kyn-og-frjosemisheilbrigdi-og-rettindi

Officially imported this from Ministry for Foreign Affairs (Iceland)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Ministry for Foreign Affairs (Iceland) — imported from official source
Official source
https://www.stjornarradid.is/api/documents/views/frettir-news-articles/Utanrikisraduneytid/rss RSS
Imported
November 16, 2026 16:00
Versions
1 recorded
Identity
2026-11-16-island-tekur-thatt-i-althjodlegu-samstarfi-til-studnings-vid-kyn-og-frjosemi...

Officially records where a publication came from, not whether it is true. Imported records are reproduced from an organization's own official source.