Vendipunktar bíða ekki eftir pólitískri samstöðu – ráðherra leggur áherslu á öryggi og samstarf um endurnýjanlega orku

Imported from official source

Announcement

Jóhann Páll Jóhannsson, umhverfis-, orku- og loftslagsráðherra, lagði áherslu á loftslagsmál og öryggi í ávarpi sínu á COP 31 í Antalya í dag. Á blaðamannafundi með orkumálaráðherra Nýja-Sjálands kynnti hann jafnframt reynslu Íslands af jarðhitanýtingu og mikilvægi aukins alþjóðlegs samstarfs um þróun jarðhita í þágu orkuöryggis.

„Jarðhiti hefur aldrei áður fengið jafn mikla athygli á loftslagsráðstefnu Sameinuðu þjóðanna og nú. Það endurspeglar vaxandi skilning á því að áreiðanleg, endurnýjanleg orka er ekki aðeins lykill að því að draga úr losun heldur einnig að orkuöryggi, efnahagslegum stöðugleika og viðnámsþrótti samfélaga,“ segir Jóhann Páll.

Í ávarpi sínu á leiðtogahluta ráðstefnunnar fjallaði ráðherra um hvernig alþjóðleg spenna og óvissa hafi sýnt fram á áhættuna sem fylgir því að reiða sig á innflutt jarðefnaeldsneyti. Orkuöryggi og loftslagsöryggi verði ekki aðskilin. Því hraðar sem ríki byggja upp hrein orkukerfi, því betur séu þau í stakk búin til að takast á við bæði loftslagsvá og breyttar aðstæður í alþjóðamálum.

Loftslagsvendipunktar bíða ekki pólitískrar samstöðu

Jóhann Páll lagði jafnframt áherslu á að loftslagsbreytingar væru ógn við þjóðaröryggi og að hlýnun umfram 1,5°C yki hættuna á því að farið yrði yfir mikilvæg vendipunktamörk náttúrulegra kerfa jarðar. Slíkir vendipunktar geta haft snöggar, óafturkræfar og keðjuverkandi afleiðingar.

Sagði ráðherra sérstakar áhyggjur Íslands beinast að mögulegri veikingu eða hruni Veltihringrásar Atlantshafsins, AMOC, sem gegnir lykilhlutverki í loftslagi Norður-Atlantshafsins. Ísland hefur þegar lyft þeirri áhættu í umræðu um þjóðaröryggi og vinnur að því að efla vísindasamstarf, vöktun og viðbúnað.

This is an extract. The publication continues at the source.

Source: Ministry of Environment, Energy and Climate (Iceland).

Read the original at the source: https://www.stjornarradid.is/efst-a-baugi/frettir/stok-frett/2026-11-17-vendipunktar-bida-ekki-eftir-politiskri-samstodu-radherra-leggur-aherslu-a-oryggi-og-samstarf-um-endurnyjanlega-orku

Officially imported this from Ministry of Environment, Energy and Climate (Iceland)’s own source and shows an extract. If you work there, claiming the profile and verifying the domain lets you choose to show the full text here.

Provenance

Organization
Ministry of Environment, Energy and Climate (Iceland) — imported from official source
Official source
https://www.stjornarradid.is/api/documents/views/frettir-news-articles/Umhverfis-orku-og-loftslagsraduneytid/rss RSS
Imported
November 17, 2026 10:32
Versions
1 recorded
Identity
2026-11-17-vendipunktar-bida-ekki-eftir-politiskri-samstodu-radherra-leggur-aherslu-a-o...

Officially records where a publication came from, not whether it is true. Imported records are reproduced from an organization's own official source.